Саха сирин VIII-с НОРУОТТАР СПОРТИВНАЙ оонньууларын иһинэн ыытыллыбыт өссө биир улахан үөрүүлээх сонун. Бүгүн БЭС ЫЙЫН 5 КҮНҮГЭР БОРОҔОН килбэйэр киинигэр УЛУУ ЛӨГӨЙ ТОЙОҤҤО аналлаах пааматынньык улуус дьонун-сэргэтин көмөлөрүнэн, улуус сайдыытыгар киирбит үбүнэн тулуллан "ЛӨГӨЙ ТОЙОН" аатын сүгэр саҥа киин болуоссат үөрүүлээх, долгутуулаах арыллыыта буолла. Манна үрдүгү сололоохтор, олохтоохтор уонна маанылаах ыалдьыттар Сүдү киһибит Лөгөй Тойон монуменын долгуйан туран чиэстээтилэр. Пааматынньык ааптара Владислав Бурцев. Маастардар Владимир Левин, Пөтр Элаков, Владислав Бурцев олус бэртээхэйдик оҥорбуттар. Кэлбит киһи сөҕө көрөр сүрдээх үчүгэй оҥоһук, модьу-таҕа көстүүтэ, өбүгэ саҕаттан төрүттээх сүдү киһибит монумена бэртээхэй миэстэҕэ турбут. Улуус дьоно, ыалдьыттара көрөн, билсэн, сынньанан ааһар биир бастыҥ сирдэрэ буолара саарбаҕа суох.